“Səbail” bu qış ilk transferini reallaşdırıb.

Prosport.Az xəbər verir ki, paytaxt təmsilçisi 25 yaşlı cinah yarımmüdafiəçisi Madi Ketanı heyətinə qatıb. Klub onunla 1,5 illik müqavilə imzalayıb.

Keta son olaraq Portuqaliyanın II divizion təmsilçisi “Mafra”da çıxış edib. O, “Portu”nun yetirməsidir və karyerası ərzində “Farensi”, “Çerno More” və “Vilafrankensi” klublarının da formasını geyinib. O, yeni komandasında 7 nömrəli forma ilə çıxış edəcək.

Portuqaliyanın U-15, U-16, U-17, U-18, U-19 və U-20 millilərinin şərəfini qorumuş Madi Keta hazırda Afrika Millətlər Liqasında çıxış edən Qvineya-Bissau yığmasında cəmi 4 oyuna çıxıb.