“Səbail”ə qalib gəldik. Hər qələbə müsbət haldır. Bu, yaxşı əhval-ruhiyyə, özünəinam verir”.

Prosport.Az xəbər verir ki, bunu Rusiyanın “Fakel” klubunun baş məşqçisi Sergey Taşuyev deyib.

Təcrübəli mütəxəssis “Səbail”lə Antalyada keçirilən yoxlama oyunu barədə fikirlərini klubun mətbuat xidmətinə açıqlayıb: 

“Əgər nəticəyə fikir vermədən bütün matçlarda uduzsaq, əhval-ruhiyyə heç də hamıda yaxşı olmayacaq. Burada qalib psixologiyası, güclü olmaq hissi formalaşır. Buna görə də qalib gəlmək vacib idi. “Səbail”lə qarşılaşma Antalyada ilk sınağımız oldu. Səhv etmirəmsə, bu, Rusiya Premyer Liqası klublarının bu qış ilk beynəlxalq oyunu idi. 1 həftədir ki, məşq edirdik, futbolçulara enerjini çıxarmaq imkanı verməliydik. Matçlar arası sikl çox böyük olmamalııdır. 1 həftə maksimal müddətdir. Daha 2 görüşümüz olacaq”.

65 yaşlı Ukrayna doğumlu rus məşqçi “Səbail”lə matçdakı heyətə də toxunub: “İlk hissədə mövsümdə güvəndiyimiz heyət oynadı. Fasilədən sonra gənclərə şans verdik. Onlarla birlikdə təcrübəlilər də var idi. Məlumat xarakterli oyun oldu. Mübarizə aparmağımız, döyüşməyimiz xoşuma gəldi. Səhvlər çox idi. Nəticə kifayət qədər vacib olsa da, oyun o qədər yaxşı deyildi. Lakin hazırlığa 1 həftədir ki, başlamışıq. Meydanda yetərincə emosiya var idi. Oyunu analiz edəcəyik. Başa düşürəm ki, ilk matçdır. Gənclər 2-ci hissədə pis oynamadı, sevindirdilər. İşimizə davam edəcəyik”.

Qeyd edək ki, Türkiyədə təşkil olunan matçda Rusiya klubu 1:0 hesabı ilə qalib gəlib. 69-cu dəqiqədə moldovalı yarımmüdafiəçi Nikita Motspan penaltidən fərqlənib.