Azərbaycan şahmatçısı Nicat Abasov şahmat tacına iddialı Namizədlər Turnirində iştirak edəcək.

Prosport.Az xəbər verir ki, bu barədə Beynəlxalq Şahmat Federasiyasının (FIDE) rəsmi saytında məlumat yayılıb.

Ötən il Bakıda keçirilmiş Dünya Kubokunun qalibi olmuş norveçli qrossmeyster Maqnus Karlsen FIDE-yə məktub göndərərək, İddiaçılar Turnirinə qatılmayacağını təsdiqləyib. Onun əvəzinə yarışa vəsiqə Dünya Kubokunda 4-cü yeri tutan Nicat Abasova verilib.

Qeyd edək ki, Namizədlər Turniri bu ilin 2-25 aprel tarixlərində Kanadanın Toronto şəhərində keçiriləcək. Turnirin qalibi şahmat tacı uğrunda görüşdə hazırkı dünya çempionu Din Lirenlə (Çin) qarşılaşacaq.