AFFA İcraiyyə Komitəsinin təxirə salınan iclasında qəbul edəcək qərarlardan bəziləri məlum olub.

Prosport.Az-a daxil olan məlumata görə, 21 yaşadək millimizdən (Samir Əliyevin müqaviləsi var – red.) başqa, aşağı yaş qruplarından ibarət milli komandaların baş məşqçisi vəzifəsinə təyinatlar artıq bəllidir.

Belə ki, U-19-un baş məşqçisi Aqil Nəbiyev U-16 millisinə təyin ediləcək. U-18-in baş məşqçisi Elxan Abdullayev U-19-a, U-17-nin baş məşqçisi Füzuli Məmmədov U-18-ə, U-16 və U-15-in baş məşqçisi İlham Yadullayev U-17-yə təyin olunacaq.

Lakin Aqil Nəbiyevin baş məşqçi postu ətrafında qərar dəyişdirilə də bilər. Çünki üzvlərdən bəziləri onun hələ 2021-ci ildə baş məşqçi olduğu U-17 millisindən tanıdığı futbolçuları U-20-nin baş məşqçisi kimi çalışdırmasını istəyir.

Qeyd edək ki, AFFA İcraiyyə Komitəsinin iclası bu həftə Gəncədə keçirilməli idi. Lakin AFFA prezidenti Rövnəq Abdullayevin səhhətində yaranan problem üzündən son anda Gəncəyə səfər təxirə salınıb.

İlkin