“Sərtanın istedadına güvənirik”.

Prosport.Az xəbər verir ki, bunu Türkiyənin “Manisa” klubunun futbol şöbəsinin müdiri Ərdəm Özkan Azərbaycan millisinin üzvü Sərtan Taşqının transferi ilə bağlı danışarkən deyib.

Təqdimat mərasimində çıxış edən Ə.Özkan 26 yaşlı müdafiəçinin komandaya faydalı olacağına inandığını bildirib: “Sərtan Taşqın Azərbaycan Premyer Liqasının diqqət çəkən futbolçularından biridir. O, Azərbaycan millisinin formasını geyinmiş oyunçudur. Burada özünü inkişaf etdirərək, daha yaxşı yerlərə yüksələcək. Keçidin həm futbolçuya, həm də klubumuza xeyirli olmasını diləyirəm”.

Qeyd edək ki, “Turan Tovuz”dan transfer edilən Sərtan Taşqın TFF I Liqa təmsilçisi ilə 1,5 illik müqavilə imzalayıb. Manisa klubunun bu transferə görə Tovuz klubuna 200 min avro ödədiyi deyilir.