Qambiya milli futbol komandasının bir neçə futbolçusu və heyəti Afrika Kubokunda iştirak etmək üçün Fil Dişi Sahilinə uçarkən huşunu itirib. 

Prosport.Az xəbər verir ki, milli komandanın futbolçuları və heyəti oksigen çatışmazlığı səbəbindən huşlarını itiriblər və buna təyyarənin ölçüsünün kiçik olması səbəb olub. Hadisədən sonra komanda Qambiyaya qayıdıb. Daha sonra bildirilib ki, komanda yeni təyyarə ilə təmin olunub və futbolçuları təyinat yerinə çatdırmaq üçün artıq ölkəyə gəlib.

Afrika Kuboku yanvarın 13-dən fevralın 11-dək Fil Dişi Sahilində keçiriləcək. Qambiya yığmasının ilk oyununu yanvarın 15-də Seneqal komandasına qarşı keçirməsi planlaşdırılır.