“Arsenal” bu qış “Brentford”un hücumçusu İvan Toninin keçidini həll edə bilməyəcək.

Prosport.Az xəbər verir ki, London təmsilçisi hələ ki, Toni ilə danışıqları təxirə salıb. Buna səbəb isə maliyyə məsələsidir.

Belə ki, “Brentford” 80 milyon funt sterlinqdən çox pul istəyir. “Topçular” isə forvardı daha aşağı məbləğə almaq niyyətindədir.

Toni ötən ilin mayında qeyri-qanuni idman mərc oyunları oynadığına görə 8 ay futboldan kənarlaşdırılıb. Günahını etiraf edən İngiltərə millisinin üzvü yanvarın 16-dək diskvalifikasiya olunub.

Qeyd edək ki, İvan Toni ötən mövsüm bütün turnirlərdə “Brentford”un heyətində 35 oyuna çıxıb, 21 qol vurub və 5 məhsuldar ötürmə edib. 27 yaşlı futbolçunun klubu ilə müqaviləsi 2025-ci ilin iyunun sonuna kimi nəzərdə tutulub.