Bolqarıstanın “Lokomotiv” (Plovdiv) klubunun futbolçusu Alfa Konte karyerasını Azərbaycanda davam etdirməyə yaxındır.

Prosport.Az xəbər verir ki, Syerra Leonedən olan oyunçunun keçidinin tezliklə reallaşacağı gözlənilir.

23 yaşlı sol cinah hücumçusunu özü komandasını dəyişməkdə maraqlıdır. Elə “Lokomotiv” rəhbərliyi də onun satışından pul qazanmaq istəyi. Konte Bolqarıstan çempionatının ən texnikalı və sürətli oyunçularından biri hesab olunsa da, nizam-intizamla bağlı ciddi problemləri var.

Qeyd edək ki, əvvəllər İsraildə də oynamış Alfa Kontenin adı “Neftçi” ilə birgə hallanır. Onun Plovdiv klubu ilə 1,5 illik müqaviləsi mövcuddur. Transfer qiyməti 350 min avro qiymətləndirilir.