Azərbaycanlı üzgüçü Ramil Vəlizadə Qətərin paytaxtı Dohada keçiriləcək su idman növləri üzrə dünya çempionatında iştirak edəcək.

Bu barədə Prosport.Az-a Azərbaycan Üzgüçülük Federasiyasının baş katibin müavini Tamerlan Abdullazadə deyib:

"Ramil Vəlizadə dünya çempionatına B lisenziyası qazanıb. Digər üzgüçümüz Məryəm Şeyxəlizadəxangah isə bu ay dünya çempionatına lisenziya qazana bilər".

Qeyd edək ki, su idman növləri üzrə dünya çempionatı 2-18 fevral tarixlərində keçiriləcək. Üzgüçülük yarışları 11-18 fevral tarixlərində baş tutacaq.