"O, 2024-cü ildə komandada qalacaq".

Prosport.Az "Fotbolldirekt" nəşrinə istinadən xəbər verir ki, bunu “Yurqorden” klubunun idman direktoru Bose Andeşon millimizin futbolçusu Musa Qurbanlının İsveç təmsilçisindəki taleyi ilə bağlı danışarkən deyib.

Funksioner 21 yaşlı hücumçunun komandadan getməyəcəyini bildirib: "O, ötənmövsümkü çıxışından məyusdur. Həmçinin, daha çox çalışmaq istədiyini göstərir. Ondan nələrin tələb olunduğunu da anlayır".

Klub rəsmisi Musa Qurbanlıya inamlarını itirmədiklərini söyləyib: "Cəmi 6 aydır ki, bizimlədir. Onunla uzun müddətli müqavilə imzalamışıq. Kimdənsə belə qısa zamanda çox şey tələb etmək ağlabatan deyil. Bəzən vaxt lazımdır".

Qeyd edək ki, Musa Qurbanlının klubu ilə müqaviləsi 2026-cı ilədək qüvvədədir.