“Mançester Siti”nin vingeri Cek Qrilişin evinə oğrular girib. 

Prosport.Az xəbər verir ki, hadisə dekabrın 27-də, Premyer Liqanın XIX turunun “Everton” – “Mançester Siti” matçı zamanı (1:3) olub.

Qrilişin 10 nəfərə yaxın qohumu bu oyuna baxarkən yuxarı mərtəbədə səs-küy və itlərin hürməsini eşidiblər. Ailə dərhal polis çağırıb. Girov vəziyyətindən qorxaraq hadisə yerinə helikopterlə gələn polis havadan da axtarış aparıb. Buna baxmayaraq, qarətçilər içəri girməyi və bir milyon funt-sterlinq dəyərində saat, zinət əşyaları oğurlamağı bacarıblar. Daha sonra onlar qaçıblar.

Ətrafda axtarışların aparıldığı, lakin şübhəlilərin izlərinə rast gəlinmədiyi bildirilir.