İndoneziya məhkəməsi 130-dan çox insanın ölümü ilə nəticələnən izdihamla başa çatan futbol oyununun 2 təşkilatçısına hökm oxuyub.

Prosport.az xəbər verir ki, təqsirləndirilən şəxslərdən Əbdül Haris il yarım müddətinə azadlıqdan məhrum edilib.

Həmçinin, təhlükəsizlik xidmətinin bir əməkdaşı barədə 1 illik həbs qərarı çıxarılıb. Daha 3 polis əməkdaşı isə məhkəmənin hökmünü gözləyir.

Qeyd edək ki, faciə 2022-ci ilin oktyabrında “Arema” – “Persebaya” (2:3) oyunundan sonra baş verib. Uduzan komandanın azarkeşləri meydançaya axın ediblər. Polisin fanatlara qarşı gözyaşardıcı qazdan istifadə etməsi çaxnaşma və izdihama səbəb olub. Nəticədə 135 nəfər ölüb, yüzlərlə insan yaralanıb.