Qadın voleybolçulardan ibarət milli komandamızın yeni baş məşqçisinin adına aydınlıq gəlib.

Prosport.Az-ın əldə etdiyi məlumata görə, yığma komanda yenidən Faiq Qarayevə tapşırılıb. Təcrübəli mütəxəssis həmçinin bütün milli komandaların koordinatoru vəzifəsini yerinə yetirəcək. Bu səbəbdən də o, vitse-prezident postundan imtina edib.

Faiq Qarayevin baş məşqçi təyin olunması rəsmi şəkildə dekabrın 27-də açıqlanacaq.

Qeyd edək ki, milli komandanın sonuncu baş məşqçisi türkiyəli Ataman Güneyligil olub. O, milli komandanı yayda Avropa çempionatının qrup mərhələsindən çıxara bilmədiyindən, onunla yeni müqaviləyə ehtiyac duyulmayıb.