Bu gün Cəlilabad Olimpiya İdman Kompleksində Azərbaycan Basketbol Liqasının (ABL) IX turunun növbəti oyunu baş tutub.

Prosport.Az xəbər verir ki, "Cəlilabad" doğma azarkeşləri önündə "Xırdalan" klubunu qəbul edib və rəqibi üzərində 98:90 hesablı önəmli qələbə qazanıb. Ən məhsuldar basketbolçular "Cəlilabad"dan Tomas Kobi (32 xal, 11 ribaund), "Xırdalan"dan Teyvion Kirk (26 xal, 7 ribaund) olub.

Qeyd edək ki, IX turun, ümumiyyətlə ilk dövrənin son oyunu "Şəki" və "NTD-İndiqo" komandaları arasında sabah baş tutacaq. Şəki Olimpiya İdman Kompleksində keçiriləcək həmin matç saat 12:00-da başlayacaq.