“Qarabağ”ın UEFA Avropa Liqasının qrup mərhələsində hər iki oyunda məğlub etdiyi İsveçin “Hükken” klubu futbolçusu Aman Romeonu Şotlandiya təmsilçisi “Seltik”ə satmağa hazırlaşır.

Prosport.Az xəbər verir ki, “Seltik” 20 yaşlı yarımmüdafiəçini qış transfer dönəmində heyətinə cəlb etməyə yaxındır.

Qlazqo təmsilçisinin skautları “Hekken”in “Qarabağ”la Bakıdakı son tur matçını stadiondan canlı izləyib və afrikalı futbolçunu bəyənib. Həmin qarşılaşmada 90 dəqiqəni əvəz edilmədən keçirən Fil Dişi Sahilidən olan oyunçunun keçidinin şotlandlara 3 milyon funt-sterlinqə başa gəlməsi gözlənilir.

Qeyd edək ki, sözügedən matçı izləmək üçün "Liverpul"un skautları da Bakıya gəlmişdi. Onlar Qambiya əsilli isveçli hücumçu Momodu Sonkonu izləmək üçün Tofiq Bəhramov adına Respublika stadionunda olub.