“Bir setdə voleybol şanssızlığı ilə üzləşdik”.

Prosport.Az xəbər verir ki, bunu “Neftçi”nin kişilərdən ibarət voleybol komandasının baş məşqçisi Pərviz Səmədov “Azərreyl”ə 3:1 hesabı ilə qalib gəldikləri Azərbaycan Yüksək Liqasının VII turunun oyunu ilə bağlı danışarkən deyib.

Mütəxəssis yalnız ikinci seti zəif keçirdiklərini bildirib. O, komandasının getdikcə daha yaxşı forma yığdığını düşünür: “Görüşə yaxşı hazırlaşmışdıq. İstədiyimi oyunçularımdan ala bildim. Komandamda 2-ci setdə eniş yaşandı. Yaxşı ki, tez toplarlana bildik və inamlı qələbə qazandıq. Mövsümün əvvəlindən kollektivə güvənirdim. Sadəcə, voleybolçular bir-birilərinə tam uyğunlaşmamışdı. Hazırda isə yüksəlişdəyik. Ümid edirəm ki, mövsümü 1-ci bitirəcəyik”.

Qeyd edək ki, “Neftçi” hazırda 10 xalla turnir cədvəlinin 4-cü pilləsində qərarlaşıb.