Azərbaycan Basketbol Liqasının IX turunda "Neftçi" "Sərhədçi" komandasını məğlub edib – 88:86. 

Prosport.Az xəbər verir ki, "Neftçi"nin baş məşqçisi Anar Sarıyev oyundan sonra klubun mətbuat xidmətinə açıqlama verib:

"Oyun gözlədiyimiz kimi, ilk dəqiqələrdən çox ağır başladı. Baxmayaraq ki, biz 10 xal önə keçdik, amma 3 əsas oyunçumuz zədəli olduğu üçün yaşlı basketbolçularımız daha çox oynamalı oldu. Zaur Quşanov bu gün çox yaxşı oynadı və sonadək meydanda idi. Aleksey Kitayev təxminən 35 dəqiqə oynadı. Təbii ki, onlar üçün çox çətin idi, ancaq əllərindən gələni etdilər. Bütün bu çətinliklərə baxmayaraq, qələbə qazanmağı bacardıq. Ən əsası isə I dövrəni və 2023-cü ili qələbə ilə başa vurduq.

Oyunçularımı təbrik edirəm! Ümid edirəm ki, II dövrəyə daha yaxşı başlayacağıq. Ona qədər oyunçularımız da zədədən qayıdacaq. Növbəti ilə böyük ümidlərlə yollanırıq".