Xankəndiyə iclas üçün gedərkən qəzaya düşən PFL rəsmilərinin son durumu bəlli olub.

Bu barədə Prosprt.Az- a onların müalicə gördüyü hospitalın mətbuat katibi Samir Oruc məlumat verib.

Onun sözlərinə görə, PFL-in texniki direktoru Elgiz Abbasov və icraçı direktoru Zaur Hacı-Məhərrəmov artıq evə buraxılıb, qurumun vitse-prezidenti Aslan Şahgəldiyev isə palataya yerləşdirilib:

"Elgiz Abbasov və Zaur Hacı-Məhərrəmovun ilkin müalicələri tamamlanıb evə yazıldı, bundan sonra ambulator şəraitdə müalicə alacaqlar.

Sənan Abdullayevin ümumi vəziyyəti stabildir. Onun da müalicəsi tamamlanmaq üzrədir, önümüzdəki günlərdə evə buraxılması planlaşdırılır. 

Sürücü Qafarlı Rasimdə bud-çanaq oynağının sınığına görə əməliyyat planlaşdırılır.

Şahgəldiyev Aslanın əməliyyat sonrası reanimasiya müalicəsi artıq bitib. Bu gün palataya köçürülüb. Stasionar şəraitdə müalicəsi davam etdirilir.

Elxan Səmədovun müalicəsi isə reanimasiya şəraitində davam edir, önümüzdəki günlərdə müxtəlif nahiyələr üzrə ortopedik və rekonstruktiv əməliyyatlar planlaşdırılır".