Azərbaycan Basketbol Liqasında VIII tura yekun vurulub. Turun son matçında "NTD-İndigo" "Cəlilabad"ı məğlub edib - 108:93.

Prosport.Az  "NTD-İndiqo" komandasının baş məşqçisi Tahir Baxşıyevin oyunla bağlı fikirlərini təqdim edir:

"Oyunçular böyük istəklə meydançaya çıxdılar. Oyuna çox yaxşı başladıq. Dərhal təşəbbüsü ələ aldıq. Matçın sonunda gənc oyunçulara şans verdik. Öz üzərində işləməlidirlər. Sevindirici haldır ki, bu gün azərbaycanlı oyunçular qələbədə böyük pay sahibi olublar və 50%-dən çox xal toplamışlar. Adətən, əksinə olur. Bu, komanda basketbolu oynadığımızı göstərir. Legionerləri də qeyd etmək lazımdır, xəsislik etmirlər. Bu məni çox sevindirir.

Rəşid Abbasov məşqlərdə öz üzərində çox çalışır. Və bu işin nəticələrini görür. Bu gün Əkbər Məmmədov, Murad Babayev də yaxşı oynadılar. Əgər Rəşid və Murad keçən mövsüm əsasən ehtiyatda qalırdılarsa, bu gün onları rahatlıqla əsas heyətdə buraxa bilirəm. Bu məni sevindirir. Yaxşı basketbol göstərirlər. İnşallah, bu şəkildə davam edəcəklər".