"Cəlilabad" Azərbaycan Basketbol Liqasının Vlll turunda sabah  "NTD-İndigo" ilə qarşılaşacaq. 

Prosport.Az komandanın baş məşqçisi Şəhriyar Əsgərovun oyunun hazırlığı barədə fikirlərini təqdim edir:

"İlk növbədə onu qeyd edim ki, mənim üçün məğlubedilməz rəqib yoxdur. "NTD-İndiqo"nun gücünə bələdik, çox yaxşı komandadır, ancaq biz də bu oyunda var gücümüzü göstərməyə çalışacağıq. Kollektivimizdə əhval-ruhiyyə çox yaxşıdır. Məşqlərimiz uğurlu keçir. Bizi narahat edən yeganə amil Andrey Kondratyev və Raşon Consonun zədəsi ilə bağlıdır. Onlar bərpa olunur və ehtimal var ki, oyuna hazır olsunlar. Hər bir halda, dediyim kimi, biz Xaçmaza məğlub olmağa getmirik. Hədəfimiz qalib gəlməkdir. Azarkeşlərimizə də bildirmək istəyirəm ki, biz "silah"ımızı yerə qoymamışıq, mövsüm uzundur və biz sona qədər mübarizə aparacağıq. Ötən dəfə qələbə əlimizdən çıxıb getmişdi. Həmin oyun bizi çox məyus etmişdi. Ancaq dediyim kimi, əhval-ruhiyyəmiz yaxşıdır və biz yalnız qələbə barəsində düşünürük".