Bu gün səhər saat 06:30 radələrində Yevlax-Ağdam-Laçın yolunun Ağdam rayon ərazisindən keçən hissəsində Bakı şəhər sakinin Rəsul Qafarlının idarə etdiyi "Mercedes Vito" markalı avtomobil Xankəndi şəhəri istiqamətində hərəkətdə olarkən idarəetməni itirərək yol nişanına çırpılıb.

Prosport.Az xəbər verir ki, bu barədə Daxili İşlər Nazirliyinin Mətbuat Xidmətinin Bərdə regional qrupundan bildirilib.

Nəticədə sürücü R.Qafarlı və avtomobildə sərnişin qismində olan PFL prezidenti Elxan Səmədov müxtəlif dərəcəli bədən xəsarətləri alaraq xəstəxanaya müracət edib.

Yaralıların vəziyyətləri açıqlanıb.

Elxan Səmədov (PFL prezidenti) – Sağ baldırın yuxarı 1/3-nin böyük ölçülü açıq qəlpəli yerdəyişmiş sınığı, sağ dirsək oynağının oynaqdaxili sınığı;

Sənan Abdullayev (PFL-in mətbuat xidmətinin rəhbəri) – Hər iki ayaq pəncəsinin əzilməsi;

Aslan Şahgəldiyev (PFL-in vitse-prezidenti) – L1 fəqərənin kompression sınığı;

Rasim Qafarlı (sürücü) – Sağ diz oynağının əzilməsi;

Elgiz Abbasov (PFL-in texniki idman direktoru) – Sağ diz nahiyə əzilməsi;

Zaur Hacı-Məhərrəmov (PFL-in icraçı direktoru) – Burunun küt travması.

Xəsarət alan şəxslər Bakıdakı özəl xəstəxanalardan birinə təxliyə olunub.

Qeyd edək ki, bu 6 şəxs dekabrın 21-də Xankəndi şəhər stadionunda keçiriləcək Azərbaycan Kubokunun "Qarabağ" – MOİK matçı üçün sözügedən şəhərə ezam olunmuşdu. PFL prezidenti Elxan Səmədov həm də milli komandanın baş məşqçiliyinə namizədin müəyyənləşdirilməsi üçün AFFA tərəfindən yaradılmış İşçi Qrupuna təyin edilmişdi.