"Liverpul"un skautları UEFA Avropa Liqasının qrup mərhələsində Bakıda keçirilən "Qarabağ" – "Hekken" oyununu (2:1) stadiondan izləyib.

Prosport.Az insidefootball.com saytına istinadən xəbər verir ki, "Liverpul"un nümayəndələri İsveç klubunun futbolçusu Momodu Sonkonu izləmək üçün Bakıya gəlib. 18 yaşlı cinah hücumçusu oyuna start heyətdə başlasa da, 82-ci dəqiqədə zədələnərək əvəzlənib.

Qeyd edək ki, 2022-ci ilin yayından "Hekken"də çıxış edən Qambiya əsilli isveçli vinger bu mövsüm 35 oyunda 10 qol vurub, 5 məhsuldar ötürmə edib. 2025-ci ilin iyununadək müqaviləsi olan Momodu Sonkonu "Liverpul"dan başqa, "Leypsiq" və "Barselona" da istəyir.