Bu gün Azərbaycan milli komandasının hücumçu Mahir Emrelinin formasını geyindiyi “Dinamo” Konfrans Liqasının C qrupunda son matçına çıxacaq.

Prosport.Az xəbər verir ki, Zaqreb təmsilçisi Kosovonun “Balkani” klubu ilə qarşılaşacaq. Mahirin komandasını bu görüşdə bərabərlik də növbəti mərhələyə çıxaracaq. Xorvatiya çempionunun evdəki görüşünə 00:00-da start veriləcək.

Hazırda Emrelinin komandası 6 xalla C qrupunda 2-ci pillədə qərarlaşıb və turnirin pley-off mərhələsinə çıxmaq şansını qoruyub saxlayır. "Viktoriya" 15 xalla birincidir. "Astana" və "Balkani" isə hərəyə dörd xalla üçüncü və dördüncü pilləni bölüşür.

Qeyd edək ki, "Dinamo" daha əvvəl "Astana" (5:1, 2:0), “Balkani” (0:2) və "Viktoriya" (0:1, 0:1) klubları ilə qarşılaşıb.