"Hekken"in kapitanı Samuel Qustafson UEFA Avropa Liqası qrup mərhələsinin "Qarabağ"la matçından öncə təşkil olunan mətbuat konfransında iştirak edib.

Prosport.Az 28 yaşlı yarımmüdafiəçinin fikirlərini diqqətinizə çatdırır:

– Qrupdan çıxmaq şansınız qalmayıb. Belə olan halda oyuna necə motivasiya olursunuz?
– Baş məşqçi elə komanda formalaşdırıb ki, hamı bir-birinə dəstək olur. Hər gün daha yaxşı olmaq istəyirik. Hazırda xalımız yoxdur. Sabah bu göstəricini dəyişdirmək istəyirik.

– "Qarabağ"da hansı futbolçu digərlərindən fərqlənir?
– Onların heyətində yaxşı oyunçuların sayı çoxdur. Həm milli komandada çıxış edən yerli futbolçular, həm də legionerlər. Marko Yankoviçi qeyd edərdim. Adını indi xatırlamıram. Sağ cinah yarımmüdafiəçisini də vurğulayardım.