AFFA U-15 Liqasının XV turu çərçivəsində keçirilən “Ulduz” (Mingəçevir) – “Neftçi” qarşılaşmasında zədələnən qonaq komandanın qapıçısı Nurəziz Əzizovun son durumuna aydınlıq gəlib. 

Prosport.Az xəbər verir ki, “Neftçi” PFK-nın həkimi Şaiq Zöhrablının verdiyi açıqlamaya əsasən, əməliyyat keçirən futbolçunun vəziyyəti hazırda stabil ortadır və özünü yaxşı hiss edir. O bir neçə günlük müalicə prosesindən sonra qapıçının evə buraxılacağını qeyd edib.

Yeri gəlmişkən, bu gün “Neftçi”nin qolkiperləri – Aqil Məmmədov, İvan Brkiç və Rza Cəfərov və “Forza Neftçi” fan klubunun üzvləri gənc qapıçını ziyarət edib, ona dəstəklərini nümayiş etdirib.

Qeyd edək ki, matçın gedişində toqquşma nəticəsində 14 yaşlı Nurəziz Əzizovun dalağı partlayıb. Matç isə "Neftçi"nin 6:2 hesablı qələbəsi ilə başa çatıb.