Türkiyə Futbol Federasiyası (TFF) ölkədə bütün futbol oyunlarını təxirə salıb.

Prosport.Az xəbər verir ki, belə qərar qəbul edilməsinə səbəb ötən gecə Super Liqanın XV turunun “Rizəspor”la oyunundan (1:1) sonra “Ankaragücü”nun prezidenti Faruk Kocanın görüşün baş hakimi Halil Umut Melerə yumruq vurması olub.

TFF-nın yaydığı məlumatda bildirilib:

“Bu gün bu alçaq hücum təkcə Halil Umut Melerə qarşı həyata keçirilməyib. Bu qeyri-insani hücum bütün türk futboluna qarşı edilib. Hadisəni törədən şəxslər barəsində cinayət işi başlanıb.

Məsul klub, klub prezidenti, menecerləri və Halil Umut Melerə hücum edən bütün cinayətkarlar ən ağır şəkildə cəzalandırılacaq. TFF-nın İdarə Heyətinin qərarı ilə bütün liqalarda oyunlar qeyri-müəyyən müddətə təxirə salınıb”.

Qeyd edək ki, Faruk Koca Halil Umut Melerə təpik vuran 2 nəfərlə birlikdə artıq polisə aparılıb və məhkəmə qarşısına çıxarılacaq.