"Sabah" basketbol klubu baş məşqçisiz qalıb.

Prosport.Az xəbər verir ki, ölkə çempionunun şimali makedoniyalı çalışdırıcısı Boban Mitevin ailə vəziyyəti ilə əlaqədar olaraq şəxsi istəyi ilə komandadan ayrılması rəsmiləşib.

Bir müddətdir ki, Azərbaycandan ayrılmış təcrübəli mütəxəssisi özü ilə ölkəmizə gətirdiyi köməkçisi Nikola Bojinovski əvəzləyirdi.

Qeyd edək ki, Boban Mitev anasının səhhəti ilə bağlı ötən ayın əvvəlində komandanın düşərgəsini tərk edib.