"Xırdalan" klubu heyətini yeni basketbolçu ilə gücləndirib. 

Prosport.Az xəbər verir ki, komanda yeni oyunçusu Ceylan Haslemi təqdim edib.

2.09 metr boya malik amerikalı mərkəz oyunçusu "Xırdalan"dan öncə Gürcüstanın "İverioni" klubunun şərəfini qoruyub. Son mövsümü 18.5 xal və 11 ribaund ortalaması ilə çıxış edən Haslem Amerikada nüfuzlu Şarlott Universitetinin məzunudur.

26 yaşlı Ceylan Haslemin VII turda "Sərhədçi" ilə matçda debüt edəcəyi gözlənilir.