“Şəki” basketbol klubunun məşqçisi Vüqar Məmmədovla yollar ayrılıb.

Prosport.Az-a klubun mətbuat xidmətindən verilən məlumata görə, şəkili mütəxəssis öz istəyi ilə komandanı tərk edib.

Onu bu vəzifədə hazırda “Şəki” komandasında çıxış edən amerikalı basketbolçu Kris Klark əvəzləyib. Ötən ay 38 yaşını qeyd edən təcrübəli basketbolçu bundan sonra oynayan məşqçi olacaq.

Qeyd edək ki, “Şəki” Azərbaycan Basketbol Liqasında 6 turdan sonra bütün görüşlərdə məğlub olub və 6 xalla turnir cədvəlinin sonuncu pilləsində qərarlaşıb.