Azərbaycan Basketbol Liqasında (ABL) V turun son oyunu keçirilib.

Prosport.Az-ın məlumatına görə, Şəki Olimpiya İdman Kompleksində baş tutan qarşılaşmada “Şəki” və “Xəzri” komandaları üz-üzə gəlib.

Görüş qonaqların üstünlüyü ilə nəticələnib. “Xəzri” 63:52 hesablı qələbə qazanaraq, yenidən liderliyə yüksəlib və "Neftçi"ni 2-ci pilləyə salıb.

Ən məhsuldar basketbolçular “Şəki”dən nigeriyalı Pol Dibal (15 xal, 6 ribaund), “Xəzri”dən isə amerikalı Endryu Platek (18 xal, 1 ribaund) olub.

Qeyd edək ki, ABL-in V turunda "Sərhədçi" "Gəncə"ni 109:108, "NTD-İndiqo" "Xırdalan"ı 96:86, "Cəlilabad" "Sumqayıt"ı 86:74 və "Neftçi" "Sabah"ı 96:93 hesabı ilə məğlub edib.