Bu gün keçirilən AFFA İcraiyyə Komitəsinin iclasında 13 üzvündən 4-ü iştirak etməyib. Bunlar Elxan Məmmədov, Mahir Məmmədov, Elmar Məmmədyarov və Fərid Mansurovdur.

Prosport.Az-ın məlumatına görə, hər 4 şəxs xaricdə olduğundan, fövqəladə iclasa qatıla bilməyib.

Belə ki, AFFA-nın vitse-prezidenti Elxan Məmmədov FIFA-da işlədiyindən, Parisdə olub. Azərbaycan Şahmat Federasiyasının prezidenti şahmat millimizlə birgə Monteneqroda olduğundan, iclasa qatıla bilməyib.

Yunan-Roma güləşi üzrə olimpiya çempionu, Bədən Tərbiyəsi və İdman Akademiyasının prorektoru Fərid Mansurov saytımıza açıqlamasında səfərdə olduğunu və bu barədə AFFA-nı məlumatlandırdığını bildirib.

Bəs Elmar Məmmədyarov? AFFA-nın mətbuat xidmətinin rəhbəri Elnur Məmmədlinin Prosport.Az-a açıqlamasında onun Hindistanda səfərdə olduğunu qeyd edib.

O həmçinin AFFA İcraiyyə Komitəsinin üzvü olmayan Elxan Tağızadənin iclasda iştirak etməsinə aydınlıq gətirib. Məmmədli Tağızadənin iştirakının İctimai Futbol Təşkilatları İctimai Birliyinin sədri olması ilə əlaqələndirməyə çalışıb. Hərçənd AFFA daxilində bir neçə idman birlikləri fəaliyyət göstərir və onların yox, məhz Elxan Tağızadənin orada olması da ayrı sualın mövzusudur.

Qeyd edək ki, iclas 9 üzvün iştirakı ilə baş tutub. Yekunda italiyalı baş məşqçi Canni De Byazi ilə müqavilənin müddəti artırılmayıb. AFFA-nın baş katibi Sərxan Hacıyevin sözlərinə görə, De Byazi hesabat verdikdən sonra millidə qalmaq istəmədiyini bildirib.

Səbuhi Musa