Azərbaycan millisinin baş məşqçi postundan ayrılan Canni De Byazi "Tuttomercato" nəşrinə müsahibə verib.

Prosport.Az xəbər verir ki,  67 yaşlı mütəxəssis gedişini belə şərh edib: “Kifayət qədər gənc, gələcəyi ola biləcək komanda ilə vidalaşıram. Azərbaycan FIFA reytinqində 120-ci yerdə olan komandadır. Amma istənilən halda İsveç kimi yüksək reytinqli yığmanı 3:0 hesabı ilə məğlub etməyi bacardıq. Hər şeyin başlanğıcı olduğu kimi, sonu da var”.

De Byazi işləməyə davam etmək istədiyini söyləyib: "Müqəddəs atəş hələ sönməyib. Hazırda Milad bayramının keçməsini gözləyirik. 2024-cü ildə təklif olsa, dəyərləndirməyə hazıram”.

Qeyd edək ki, Canni De Byazi bu gün Azərbaycan millisi ilə vidalaşıb.