19 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyununu keçirib.

Prosport.Az xəbər verir ki, Aqil Nəbiyevin baş məşqçisi olduğu kollektiv 11-ci qrupdakı sonuncu matçında Lüksemburq ilə üz-üzə gəlib.

1:2 hesabı ilə uduzan komandamız mübarizəni dayandırmalı olub. Meydan sahiblərindən Ceyson Videyra (8) və Ayman Dardari (57) fərqlənib. Komandamızdan yeganə qolu Şahin Şahniyarov (84) vurub.

Qrupun digər görüşündə Niderland Bosniya və Herseqovinanı məğlub edib – 3:0. 9 xala malik Niderland və 4 xal toplamış Bosniya və Herseqovina elit-raunda vəsiqə qazanıb. Müvafiq olaraq 3 xal və 1 xal toplayan Lüksemburq və Azərbaycan qrupda qalıb.

Qeyd edək ki, daha əvvəl Bosniya və Herseqovina ilə qolsuz heç-heçə edən U-19 millisi Niderlanda 1:2 hesabı ilə uduzmuşdu.