Şahmat üzrə Avropa çempionatının bağlanış mərasimi keçirilib.

Prosport.Az xəbər verir ki, qadın şahmatçılardan ibarət Azərbaycan yığmasına gümüş medal təqdim olunub. 

Eyni zamanda lövhələr üzrə ən çox xal toplayan şahmatçılar açıqlanıb. Günay Məmmədzadə, Gülnar Məmmədova və Xanım Balacayeva fərdi nəticələrə əsasən lövhələr üzrə 2-ci olmaqla gümüş medala layiq görülüb.

Qeyd edək ki, qadın şahmat yığmamız tarixində ilk dəfə Avropa 2-cisi olub. 1-ci yeri Bolqarıstan, 3-cü yeri Fransa tutub. Turnirin reytinq favoriti sayılan kişi yığmamız isə yalnız 18-ci ola bilib.