Monteneqronun Budva şəhərində keçiriləcək şahmat üzrə komandalararası Avropa çempionatı başa çatıb.

Prosport.Az xəbər verir ki, sonuncu – IX turda Azərbaycanın qadınlardan ibarət yığması Serbiya, kişilər İtaliya ilə üz-üzə gəlib.

Qadın şahmatçılarımız qələbə qazanaraq Avropa çempionatını 2-ci pillədə başa vurub. Bununla da komandamız tarix yazıb. Komandamız bunadək yalnız 3 dəfə Avropa 3-cüsü ola bilmişdi.

Kişi şahmatçılarımız son turda 1 xal qazanıb. Yığma İtaliya komandası ilə heç-heçə oynayıb. Nəticədə komandamız Avropa çempionatını 9 xalla 18-ci pillədə başa vurub.

Avropa çempionatı

IX tur
Qadınlar. Serbiya – Azərbaycan 1:3
Teodora İnyats – Günay Məmmədzadə 1:0
Adela Velikiç – Ülviyyə Fətəliyeva 0:1
Marina Qayçin – Gövhər Beydullayeva 0:1
Tiyana Mandura – Xanım Balacayeva 0:1

Turnir cədvəli: 1. Bolqarıstan – 16 xal, 2. Azərbaycan – 15, 3. Fransa – 12.

Azərbaycan – İtaliya 2:2
Teymur Rəcəbov – Danyele Vokaturo 0,5:0,5
Rauf Məmmədov – Luka Moroni 1:0
Nicat Abasov – Françesko Sonis 0:1
Vasif Durarbəyli – Lorentso Lodiçi 0,5:0,5

Turnir cədvəli: 1. Serbiya, 2. Almaniya – hər ikisi 15 xal, 3. Ermənistan – 12, … 18. Azərbaycan – 9.