AÇ-2024-ün seçmə mərhələsinin son turunda Azərbaycan millisini 5:0 hesabı ilə məğlub edən Belçika yığmasının futbolçusu Jeremi Doku oyunla bağlı fikirlərini bölüşüb.

Prosport.Az xəbər verir ki, İngiltərənin "Mançester Siti" klubunun 21 yaşlı vingeri belə danışıb:

“Azərbaycanla matça ciddi yanaşırdıq. Bunu meydanda da görürdünüz. Romelu Lukaku çox effektli idi. Azarkeşlər adımı uca səslə çəkirdi. 2 məhsuldar ötürmə versəm də, təəssüf ki, qol vura bilmədim. Mənim üçün ən vacibi komandama qələbə qazanmaqda kömək etmək idi”.

Qeyd edək ki, Belçika yığması F qrupunu 20 xalla 1-ci pillədə bitirib. Azərbaycan yığması isə 7 xalla 4-cü olub.