Bu gün Sumqayıt Olimpiya İdman Kompleksində Azərbaycan Basketbol Liqasının IV turunun son oyunu baş tutub. 

Prosport.Az xəbər verir ki, çempionatın əsas favoriti "Sabah" "Sərhədçi" ilə üz-üzə gəlib və rəqibi üzərində 112:89 hesablı rahat qələbə qazanıb.

Ən məhsuldar basketbolçular "Sabah"dan Kivon Devenport (28 xal, 8 ribaund), "Sərhədçi"dən Cekson Rid (22 xal, 7 asist) olub.

Qeyd edək ki, V turun oyunları ("Sərhədçi" – "Gəncə", "Xırdalan" – "NTD-Indigo", "Cəlilabad" – "Sumqayıt", "Neftçi" – "Sabah", "Şəki" – "Xəzri") 23-26 noyabr tarixləri aralığında baş tutacaq.