“Neftçi” Azərbaycan Basketbol Liqasının IV turunda “Sumqayıt”a qalib gəlib - 97:73.

Prosport.Az xəbər verir ki, “Neftçi”nin baş məşqçisi  Anar Sarıyev oyundan sonra  klubun mətbuat xidmətinə açıqlama verib:

"Bugünkü oyunumuz  daha çox xoşuma gəldi. Artıq biz komanda kimi  formalaşırıq. Yavaş-yavaş irəliyə doğru gedirik, uşaqlar bir-birini daha yaxşı başa düşür. Bu gün hamı çox yaxşı oynadı, meydana çıxan hər bir oyunçu. Deyə bilmərəm ki, kimsə canını qoymadı oyuna. Ancaq yenə də işləməliyik, irəlidə çox çətin oyunlarımız var, onlara hazırlaşmalıyıq.  Gələn tur "Sabah"la oynayacağıq. Artıq bütün fikrimizi həmin  oyuna yönəldəcəyik, ora hazırlaşacağıq.

Yenə də təşəkkür edirəm komandama.  Həm  mənə bir məşqçi kimi inanırlar, həm də  tapşırıqları yerinə yetirməyə, bir komanda kimi formalaşmağa  çalışırlar. Məncə,  layiqincə də  öhdəsindən gəlirlər."