"NTD-Indigo" çox güclü rəqibdir və bu mövsüm çempionluq üçün bir heyət formalaşdırıblar".

Prosport.Az xəbər verir ki, bu sözləri "Xəzri" basketbol komandasının baş məşqçisi Murat Dikmən klubun mətbuat xidmətinə açıqlamasında deyib.

O, "NTD-Indigo"ya qarşı keçiriləcək oyun haqda fikirlərini bildirib: "Rəqib çox güclü rəqibdir və bu mövsüm çempionluq üçün bir heyət formalaşdırıblar. Bu qarşılaşma çətin olacaq. Mənim istədiyim oynayan oyunçuların, idarə edən hakimləri və baş məşqçilərin bu görüşdən zövq almağıdır. Çünki bu matçın çox maraqlı olacağını gözləyirəm. Düşünürəm ki, sərt bir mübarizə seyr edəcəyik. 2 komanda da qazanmaq istəyir və hədəfləri böyükdür. Bizim üçün çox ağır bir görüş olacaq.  Bu həftə üçün yaxşı hazırlıq keçməmişik. Çünki daimi hazırlaşdığımız zalda güləş turniri var idi və buna görə də 2 gün məşq edə bilməmişik.  Oyunçularımızla öz imkanları daxilində hazırlaşmışıq. Sadəcə, oyundan 1 gün öncə zala gələ bilmişik. Bu bir bəhanə deyil. Çünki biz mövsümün əvvəlindən hazırlıqlarımıza başlamışıq. Komandam hazır durumdadır".