Futbol millimiz bu gün Avropa çempionatının seçmə mərhələsi çərçivəsində İsveç millisi ilə qarşılaşacaq.
Prosport.Az-ın xəbərinə görə, bu matç hər iki komanda üçün Avropa çempionatına vəsiqə baxımından əhəmiyyət kəsb etməsə də, turnir cədvəlində yer baxımından müəyyən məna daşıyır.
Belə ki, martın 27-də səfərdə 0:5 hesabı ilə darmadağın edilən millimiz bu gün heç də yaxşı günlərini yaşamayan İsveçə qalib gəlsə, Skandinaviya təmsilçisi ilə xallarını bərabərləşdirmiş (7) olacaq. Ancaq statistikaya əsasən hələ ki bu komandaya qalib gələ bilməmişik.
23 il əvvəl həmin Tofiq Bəhramov adına Respublika stadionunda İsveç millisinə 0:1 hesabı ilə uduzmuşduq. Yeganə qolu 9-cu dəqiqədə cərimə meydançasının kənarından Andeş Svenson Dmitri Kramarenkonun qoruduğu yaxın küncü nişan ala bilmişdi. O Svenson ki, 2 il sonra dünya çempionatında Argentinanı qrupda saxlayan cərimə zərbəsindən vurulan qola imza atmışdı. Svenson həmçinin Bakıda vurduğu qoldan 14 il sonra "Elfsborq" komandasının kapitanı kimi Avropa Liqasının "İnter"lə matçı üçün paytaxtımıza da təşrif buyurmuşdu.
Sonda Azərbaycan təmsilçilərinin İsveç kollektivlərinə qarşı oyun statistikasını təqdim edirik:
Kişilər
Əsas milli
02.09.2000 Bakı DÇSO Azərbaycan – İsveç 0:1
07.10.2001 Stokholm DÇSO İsveç – Azərbaycan 3:0
27.03.2023 Stokholm AÇSO İsveç – Azərbaycan 5:0
16.11.2023 Bakı AÇSO Azərbaycan – İsveç -:-
U-21
01.09.2000 Bakı DÇSO Azərbaycan – İsveç 0:5
06.10.2001 Stokholm DÇSO İsveç – Azərbaycan 0:0
20.11.2022 Türkiyə YO Azərbaycan – İsveç 1:8
U-19
06.10.2011 İsveç AÇSO İsveç – Azərbaycan 0:1
15.10.2013 Landskruna, İsveç AÇSO İsveç - Azərbaycan 5:1
Klublar
01.08.2013 Bakı UEFA AL Qarabağ – Yefle 1:0
08.08.2013 Evle UEFA AL Yefle - Qarabağ 0:2
17.07.2014 Boras UEFA AL seç. mər. Elfsborq – İnter Bakı 0:1
24.07.2014 Bakı UEFA AL seç. mər. İnter Bakı – Elfsborq 0:1, p. 3-4
18.08.2016 Göteborq UEFA AL Yötebory - Qarabağ 1:0
25.08.2016 Bakı UEFA AL Qarabağ – Yötebory 3:0
05.10.2023 Göteborq UEFA AL Hekken – Qarabağ 0:1
14.12.2023 Bakı UEFA AL Qarabağ – Hekken -:-
Qadınlar
Əsas milli
23.06.2010 DÇSO İsveç – Azərbaycan 17:0
U-19
22.10.2012 Krımsk, Rusiya AÇSO İsveç - Azərbaycan 10:0
U-17
01.11.2012 Lindabrun, Avstriya AÇSO Isveç - Azərbaycan 7:1
Futzal
Əsas milli
10.12.2015 Osiuek, Xorvatiya DÇSO, Azərbaycan – İsveç 8:2
Klublar
26.10.2022 Mostar, Bosniya və Herseqovina UEFA ÇL, Araz-Naxçıvan – Örebru 2:5