Rusiyanın "Zenit" klubunun 2 futbolçusu Bakıda "Neftçi"yə qarşı keçirəcəkləri yoldaşlıq oyununda meydana çıxmayacaq.

Prosport.Az xəbər verir ki, bu barədə komandanın baş məşqçisi Sergey Semak açıqlamasında bildirib.

47 yaşlı mütəxəssis kolumbiyalı hücumçu Mateo Kasyera və Aleksandr Yeryoxinin zədə səbəbindən qarşılaşmada iştirak etməyəcəyini söyləyib: "Bəzi futbolçular milli komandalara gedib, zədəlilər də var. Heyəti əvəzedici komandanın bəzi üzvləri ilə tamamlayacağıq. Oradan 5-6 nəfəri səfərə aparacağıq. Mario Fernandes ümumi qrupla məşqlərə qoşulur".

Sergey Semak braziliyalı yarımmüdafiəçi Qustavu Mantuanın Bakıdakı görüşdə hücum xəttində çıxış edə biləcəyini vurğulayıb.

Qeyd edək ki, noyabrın 18-də reallaşacaq "Neftçi" – "Zenit" qarşılaşması saat 21:00-da başlayacaq.