“Sabah” basketbol klubu FIBA Avropa Kubokunun müntəzəm mövsümündə növbəti oyununu keçirib.

Prosport.Az xəbər verir ki, Azərbaycan təmsilçisi 5-ci matçında Türkiyə klubu “Bahçeşehir”in qonağı olub. İstanbuldakı "Ülkər" İdman Zalında təşkil olunan görüş rəqibin qələbəsi ilə yekunlaşıb – 99:80.

"Sabah"ın şimali makedoniyalı məşqçisi Nikola Bojinovski oyundan sonra görüşlə bağlı fikirlərini bildirib:

"Güclü rəqibə qarşı mübarizə aparacağımızı bilirdik. Lakin ilk hissədə oyunun bu cür keçəcəyini gözləmirdik. Fasilədən sonra daha yaxşı təsir bağışladıq. Müdafiədə diqqətli oynadıq. 2-ci hissədə xarakter göstərdik və hesab arasındakı fərqi azaltdıq. FIBA Avropa Kubokunda azarkeşlərimiz önündə keçirəcəyimiz son oyunda yaxşı çıxış etmək üçün əlimizdən gələni edəcəyik. Lakin "Nimburk" da lider "Bahçeşehir"lə bərabər ən yaxşı qrup 2-cisi kimi növbəti mərhələyə yüksəlməyi qarşısına məqsəd qoyub. Bu baxımdan çətin oyun olacaq".

Qeyd edək ki, “Sabah” qrupda keçirdiyi 4 oyunun 3-də məğlub olub, 1-də qələbə qazanıb. Azərbaycan çempionu “Bağçaşəhər”lə Bakıda keçirdiyi matçda rəqibinə 65:83 hesabı ilə uduzub. “Sabah” hazırda 5 xalla D qrupunda 3-cü pillədə qərarlaşıb.