Azərbaycan karateçiləri Rusiyanın paytaxtı Moskvada keçirilən beynəlxalq yarışda 7 medal qazanıblar.

Prosport.Az xəbər verir ki, Asiman Qurbanlı və Mədinə Sadıqova “Moskva Vselennaya” turnirində fəxri kürsünün ən yüksək pilləsinə qalxıb.

Yalnız həlledici döyüşdə məğlub olan Rafiz Həsənov gümüş medal əldə edib. Roman Heydərov (kata), Hüseyn Məmmədli, Nuran Rzazadə və Abbas Dadaşov isə yarışı 3-cü pillədə başa vurub.

Qeyd edək ki, turnirdə 27 ölkədən 331 karateçi mübarizə aparıb.