İsveç millisinin kapitanı Viktor Lindelöf AÇ-2024-üç seçmə mərhələsinin Azərbaycanla oyunundan öncə mətbuat konfransında iştirak edib.

Prosport.Az xəbər verir ki, "Mançester Yunayted"in müdafiəçisi jurnalistlərin suallarını cavablandırıb:

– Mətbuat konfransına butsla gəlmisiniz. Bunun səbəbi nədir?
– Paltardəyişmə otağında kimsə mənə dedi ki, butsları özümlə aparım.

– Respublika Stadionu Azərbaycan millisi üçün uğurlu arenadır, burada milliyə böyük dəstək olur. Buradakı ab-hava haqda məlumatınız var?
– Səfərdə oynamaq həmişə çətindir. Sabah azarkeşlər də rəqibi dəstəkləyəcək. Amma biz daha əvvəl bir neçə yaxşı komandaya qarşı oynamışıq. Düşünmürəm ki, azarkeş amili bizim üçün problem olacaq. Həm yaxşı atmosferi, həm də oyunu səbrsizliklə gözləyirik.