Monteneqronun Budva şəhərində şahmat üzrə komandalararası Avropa çempionatında IV tur keçirilib.

Prosport.Az xəbər verir ki, kişi şahmatçılardan ibarət Azərbaycan millisi Xorvatiya, qadınlarımız Fransa ilə qarşılaşıb.

Kişilərdən ibarət yığma oyuna əsas heyətdə çıxıb. Amma bu qələbə qazanmaq üçün kifayət etməyib. Teymur Rəcəbov və Nicat Abbasov görüşlərini məğlubiyyətlə başa vurub. Bu amil komandanın turu xalsız başa vurması ilə nəticələnib. Yığmamız IV turda 2-ci dəfə uduzub.

Qadın şahmatçıların mübarizəsində liderlər üz-üzə gəlib. İlk 3 turda maksimum nəticə göstərən Azərbaycan və Fransa milliləri qalibi müəyyənləşdirə bilməyiblər. Tərəflər 1 qələbə, 2 heç-heçəyə razı olub.

Avropa çempionatı
IV tur
Kişilər
Xorvatiya – Azərbaycan 2,5:1,5
İvan Şariç – Teymur Rəcəbov 1:0
Ante Brkiç – Şəhriyar Məmmədyarov 0:1
Saşa Martinoviç – Rauf Məmmədov 0,5:0,5
Marin Bosioçiç – Nicat Abbasov 1:0

Turnir cədvəli: 1. Almaniya, 2. Ermənistan, 3. Polşa – hər üçü 7 xal, ... 15. Azərbaycan – 4.

Qadınlar
Azərbaycan – Fransa - 2:2
Günay Məmmədzadə – Deymante Daulite-Kornett 1:0
Gövhər Beydullayeva – Sofi Milye 0,5:0,5
Xanım Balacayeva – Mitra Hecazipur 0:1
Gülnar Məmmədova – Polin Qişar 0,5:0,5

Turnir cədvəli: 1. Fransa, 2. Azərbaycan. 3. Almaniya – hər üçü 7 xal.

Qeyd edək ki, bu gün V turda kişi millimiz meydan sahibi Monteneqro ilə, qadın yığmamız isə liderlərdən olan Almaniya ilə qarşılaşacaq.