“Qarabağ”a qarşı oyunumdan narazı qaldım. Bacarığımı nümayiş etdirə bilmədiyimi düşünürəm”.

Prosport.Az xəbər verir ki, bunu Almaniyanın “Bayer” klubunun futbolçusu Neytan Tela yerli mətbuata açıqlamasında deyib.

24 yaşlı İngiltərə doğumlu hücumçu UEFA Avropa Liqasının qrup mərhələsində “Qarabağ”la Bakıda keçirilən oyundan sonra Nigeriya yığmasına çağırılmasını dəyərləndirib: “Qarabağ”la görüşdən sonra insanların məni tənqid edəcəklərini düşünürdüm. Çünki pis oynamışdım. Ancaq baxdım ki, ailəm və yaxınlarım milliyə çağırıldığım üçün mənə təbrik mesajları yazıblar. Adımı yığmanın siyahısında görəndə isə şoka düşdüm. Bu, mənə özünəinam verdi”.

Qeyd edək ki, “Qarabağ” – “Bayer” görüşü qonaqların 1:0 hesablı qələbəsi ilə yekunlaşıb. Leverkuzen təmsilçisi 4 oyundan sonra 12 xalla H qrupunda liderdir. 2-ci pillədə qərarlaşan Ağdam klubunun hesabında 6 xal var.