Qadınlardan ibarət 3x3 yığma komandamız Paris 2024 Olimpiya Oyunlarında iştirak etmək üçün təsnifat oyunları keçirəcək.

Prosport.Az xəbər verir ki, Azərbaycanın komanda idman növlərində yaranmış bu tarixi şansı millimiz ötən yay 3x3 basketbol üzrə keçirilmiş Qadın Seriyasının mərhələ oyunlarında qazandıqları reytinq xallarına görə əldə edib.

Belə ki, orada 4 dəfə mərhələ qalibi olmuş "Neftçi" klubunun və yığmamızın heyətində iştirak etmiş qadın basketbolçularımızın topladıqları yüksək reytinq xallarına görə millimiz 2 təsnifat turnirində iştirak edəcək.

Qeyd edək ki, ilk təsnifat turniri 2024-cü ilin 17-18 aprel tarixlərində baş tutacaq. 2-ci təsnifat oyunlarının başlama tarixi isə 2024-cü ilin iyun ayına planlaşdırılır.