"Sabah" basketbol klubunun baş məşqçisi Boban Mitevin komandadan ayrı düşməsinin təfərrüatı bilinib.

Klubun mətbuat xidmətinin rəhbəri Kənan Hakimovun Prosport.Az-a verdiyi məlumata görə, onun anasının səhhətində ciddi problem var.

Bu səbəbdən də o, noyabrın 7-də klub rəhbərliyindən icazə istəyərək vətəni Şimali Makedoniyaya yollanıb. 51 yaşlı təcrübəli mütəxəssis hələ ki Azərbaycana nə vaxt qayıdacağı ilə bağlı klubu məlumatlandırmayıb.

Qeyd edək ki, onun yoxluğunda "Sabah" Avropa Kubokunun qrup mərhələsində Bakıda Monteneqro "Montar"ı, eləcə də Azərbaycan Basketbol Liqasının "Xırdalan"la oyunlarına köməkçi məşqçi Nikola Bojinovskinin rəhbərliyi altında çıxıb. Komanda hər 2 oyunda qalib gəlməyi bacarıb.

Səbuhi Musa