Monteneqronun Budva şəhərində keçirilən şahmat üzrə komandalararası Avropa çempionatında II turun oyunlarında millilərimiz qalib gəlib.

Prosport.Az xəbər verir ki, bir gün öncə Danimarkaya 1,5:2,5 hesabı ilə məğlub olan kişilərdən ibarət yığmamız ilk qələbəsini qazanıb. Onlar Slovakiyaya qalib gəlib.

Qadınlardan ibarət Azərbaycan millisi isə ardıcıl 2-ci oyunda qələbə qazanıb. İlk görüşdə Sloveniyaya 2,5:1,5 hesabı ilə qalib gələn komandamız II turda Niderlanddan güclü olub. Sonuncu lövhədə Gülnar Məmmədova Niderlanda Gürcüstandan gəlmiş erməni əsilli şahmatçı Anna-Maya Kazaryanı məğlub edib.

Avropa çempionatı
II tur
Kişilər
Slovakiya – Azərbaycan 1,5:2,5
Yerquş Pexaç – Teymur Rəcəbov 0,5:0,5
Viktor Qazik – Rauf Məmmədov 0:1
Yuray Druska – Nicat Abasov 0,5:0,5
Filip Harinq – Vasif Durarbəyli 0,5:0,5

Qadınlar
Azərbaycan – Niderland 2,5:1,5
Günay Məmmədzadə – Eline Rubers 0,5:0,5
Gövhər Beydullayeva – Maxteld Van Foreest 0:1
Xanım Balacayeva – Tea Lançava 1:0
Gülnar Məmmədova – Anna-Maya Kazaryan 1:0

Qeyd edək ki, kişi millimiz 2 xalla 13-cü, qadın yığmamız isə 4 xalla Fransa, Polşa, İspaniya və Serbiya ilə birgə 1-ci sıradadır. Millilərimiz bu gün III turda müvafiq olaraq İsveç və Polşa ilə qarşılaşacaq. Yarışın qalibi 9 turun yekununa əsasən bəlli olacaq.