Azərbaycan qadın basketbolu tarixində ilk dəfə olaraq bir matçda ana və qız eyni vaxtda meydançaya çıxıb.

Prosport.Az-ın məlumatına görə, Avropa çempionatının seçmə mərhələsinin C qrupunda baş tutmuş Azərbaycan və Belçika milliləri arasında keçirilən oyunda (28:136) Tatyana Deniskina və qızı Ancelina İsmayılova eyni anda parket üzərində olub.

Ana və qız noyabrın 9-da səfərdə Litva millisinə qarşı oyunda (62:99) da meydançada birlikdə mübarizə aparmışdılar.

Qeyd edək ki, Ancelina İsmayılova U-16 Azərbaycan milli komandasının tərkibində qızlar arasında basketbol üzrə Avropa çempionatı C divizionunun qalibidir.